الجمعة، 29 مايو، 2009

حمصة وحب العزيز (2 )





الست حمصة
بعد ما تاكدت من حب سى حب العزيز الشديد
طلبت منه بدلال ان يكون عش الزوجية فىىىىىىى بلدتها بجوار اهلها واحبائها يعنى بالعربى مامى الحبيبة ...

حب العزيز يا حبة عينى ...وافق على طول
هو يقدر يرفض لها طلب !!!!!!!!!!!!!!!
كانوا كل يوم يخرجا لشراء مستلزمات العش السعيد
بزوقهم المشترك اقصد بزوقها الممزوج بالدلال
ايه رايك يا حبيبتى فى النجفة دى ؟؟
جميلة يا حبيبى ... بس شوف دى اجمل ولا اييييييييييييي
ايوة يا حبيبتى .....وهكذا ...
فى كل شراء سواء الشقة او الديكور
او الموبيليا وفستان الزفاف وتحديد قاعة الفرح كانت على زوق الست حمصة وحب العزيز يا عينى مبتسم على طول وطاير من السعادة
وكان يوم فرحهم جميل جدا


وووووتمضىالايام
هادئة سعيدة يتفانى كل منهما فى اسعاد الاخر
وسط فرحة الاهل ومساعداتهم

وفى يوم الست حمصة اخبرت حب العزيز انها حامل ..
طار الفتى فرحا بالخبر...
وطلب من حمصة الراحة التامة وهو حيقوم بكل الشغل حتى يصل ولى العهد
وواصل الفتى العمل ليلا ونهارا من اجل ولى العهد





واخبرهما الطبيب المتابع ان الجنين بنوته
زادت سعادة حب العزيز
وطار فرحا متمنيا بنوته جميلة تشبه مامتها اللى بيموت فيها
وحدد اسمها حسب المعنى المحبب له
واشترى الملابس كلها روز ...
وجاءت لحب العزيز فرصة ممتازة للعمل فى الخارج فتمسك بها
حمصة كانت زعلانة جدا لان دى اول مرة يبعد فيها حبيبها عنها
ويوم السفر.. ياولداه كانت مناحة عند حمصة
بكاء مستمر واصرت على اصطحابه الى المطار
وتحملت مئات الكيلومترات حتى تودعه
وبعد سفره اصبحت الحياه لا طعم لها
الحب وحش ياجدعان الام حمل نفسية .....
وبكاء مستمر.. وتوسلات لحب العزيز ان يعود
وهكذا الى ان تمت الولادة
وجاء مولود جميل .. سعدت به العائلتان ..ماعدا
حب العزيز الذى انهارت كل ترتيباته قائلا لحمصة
انتى خدعتينى ... جبت ولد .. وانا باحب البنات
ايييييييييييييه يالله
ورجع حب العزيز ليجد غريم له فى حب وحضن الست حمصة
وبدا يتضرر... لاهتمامها بهذا الغريم ..
وكانت البداية
انشغال متواصل فى العمل ويرجع يلاقى غريمه واخد مكانه
وهى يا حرام ..محتارة تسعد مين ...ولا .. مين
الاثنين محتاجين لها بشدة
......................................
وبدا التغير ياخذ صورا واشكالا فى دلع حمصة
الكلام المعسول .اصبح نادرا الورد والهدايا قلت تدريجيا
حتىىىىىىىىىىىىىىىىىىىى

والى القاء فى الحلقة القادمة

الجمعة، 15 مايو، 2009

الست حمصة 1

الست حمصة الست حمصة

قلبها مليان بالذكريات القديمة
ونفسه يخرج من داخل القمقم ويفضفض لكم
وقلمها جزء من قلبها .

بيحب يكتب كل المشاعر علي الورق
والورق ياعينى حيتحمل ايه ولا ايه
الست حمصة
.. مسمسمة ومنمنمة ..
مين قدها ...
طول النهار بتسمع كلمات الاعجاب
علي جمالها وخفتها وشياكتها .
طبعا اتغرت في تفسها !!!!!!!!!!!!!

ومكانش يملى عينيها حد اااااااااااااه
لغاية ما قابلت الاستاذ حب العزيز .. اللذيذ
ذلك الفتى الوسيم .. الرومانسى ..
هادئ الصوت والطباع ..
ذو المركز الادبى والاجتماعى المرموق .
كل الصفات دى خلت الست حمصة تقع فين ؟؟؟

فى دباديب سى حب العزيز ..
اصبح نن عينها من جوة ..
أحبته بجنون

وكان فى نظرها الان ديلون ...

او الاستاذ قلاوون ...
وبالمثل الاستاذ حب العزيز
اول ما شاف الست حمصة اندلق فى حبها على طول
من اول نظرة .. مسك فيها بيديه وأسنانه وراح ..
راح خاطبها على طول

ووافقت فورا مع دهشة الجميع

ما هو كده الحب زى عضة البوبى (سوووووورى )
لازم يترك أثر كبير
لان الانسان حر فى كل شيء ...
الا فى هذا الخافق المعذب بين الضلوع
.......................................
وطبعا الاستاذ حب العزيز بعد الخطوبة
كل يوم يزور الست حمصة
ويختلق أى مناسبة ويجيب لها هدية
حتي لو كانت بسيطة ...
وطبعا على قلب حمصة بتبقى اجمل الهدايا
وخصوصا الشيكولاتة المستوردة الفاخرة اللى بتعشقها
ايييييييييييييييييييه ذكريات يا اخوانى
حمصة كانت بتغيير مووووووووووووووت على حب العزيز
حتى من الهواء الى بيطير
رغم ايمانها بان الغيرة دى مش دليل حب
ولكنه دليل تملك وغباء
حتعمل ايييييه ... الواد حليوة ويجنن
وهو بيبقى فرحان قوى لما بيعرف انها بتغير عليه
دا لو ابتسم بس لاى واحدة معرفة .........
يبقى نهار تيت تيت عليه
المهم
الاستاذ حب العزيز ..كان مستعجل على اتمام الزواج
ايييييييييييييييييييييييييييييييييييييه
......على اييييييييييه ......
و تحدد موعد الزفاف ....
ونكمل .... المرة الجاية ....

الأربعاء، 8 أبريل، 2009

دعوة للحب

نحن جميعا خلقنا للحـــب

    إنه مبدأ الحياة وغايته الوحيدة

    فالحب مثل الحقيقة ..لاتتجزأ

    كم هو تعيس ذلك الإنسان الذي حرمته الطبيعة من الحياة

    فالإنسان العاشق الذي يحب حبا صادقا لايقوي علي خيانة حبيبه أبد

    إن حبه له هو سياجه الأول

    وولهه به هو حضنه الثاني

    وشوقه الدائم إليه هو الحجاب الاسود الذي يسدل ستائر الرؤية علي عينيه

    فلا يرى من بين البشر إلا حبيبه وحده

    وأنصح كل إنسان ألا يتزوج بدون حب .. حتى لا يحب بعد الزواج ..

    لأن الزواج هوأعظم دروس وتجارب الحب بين الرجل والمرأة

وهدف الحياة الزوجية هـــو : الحــب مدى العمر

الأحد، 29 مارس، 2009

لمن اتكلم




استاذ طيب

أحبه والله

روح قلب مامى







الاستاذ مناكف
الشقاوة طالعة من عنييييه
ايه الادب دا يا اخواتى


ممثل كبييييييييييييييييييييييييير
لمن اكتب كلماتى
قرات معظم مدوناتكم الجميلة وان شاء الله تقبلونى عضوة فى فريقكم الجميل

انتظرووووووووووووو نى


الجمعة، 13 مارس، 2009

انا لسه جايه حالا..

انا لسه جايه حالا من بلاد الواء واء..عشان اشم نفسي و ارجع تاني للغلب..
ادعوووووووووووووليييييي...